أريد احشمك ياعراقي
واريد اسألك
ليا وكت باقية وياك المحن..؟
وقتل ..تشريد ..وسلب
وخيرات تكظي بلا ثمن
شكثر منا بطون جاعت
وناس ما تعرف أمن
وارضنا خير الارض
لا زرع عدنا بقى
والكاع صبخة
اليوم صااارت
لا نهر صافي بقى
ليش كلي ياوطن...؟؟؟
ارجاس تتسلط علينا
وتنهب اموال الشعب
وحصص قسموها ارضنا
واتسلمت بيد ثعلب
مايهمه غير حصته
توصله بغير كد وتعب
كاعد ويامر علينا...
هذا حالك ياعراق ويا عراقي
شتنتظر كلي على بختك
انباك خيرك وانصرف
بين حاميها وحراميها معااا
التغيير بأيديكم ايها العراقيون الشرفاء
اليوم هو يوم الآباة الاحرار لأبعاد المفسدين وأختيار الشرفاء الوطنيين المخلصين للعراق واهل العراق .
وفاء العلي
19-4-2013
